“Yaddaş sarayları” filminin çəkilişləri yekunlaşıb

“Yaddaş sarayları” filminin çəkilişləri yekunlaşıb.

AZƏRTAC xəbər verir ki, ekran əsərinin rejissoru Mətləb Muxtarov, prodüseri Emil Nəcəfovdur.

Sənədli film Azərbaycan Respublikasının Kino Agentliyinin (ARKA) həyata keçirdiyi postprodakşn mərhələsində olan film layihələrinə dəstək müsabiqəsinin qaliblərindən biridir.

Çəkilişləri Sumqayıt şəhərində aparılan ekran əsərinin xronometrajı 27 dəqiqədir. “Yaddaş sarayları” uşaqlığının ən maraqlı dövrünə qayıtmaq istəyən rejissorun axtarışından bəhs edir.