Oktyabrın 6-da Fikrət Əmirov adına Gəncə Dövlət Filarmoniyasında “Üzbəüz” layihəsi çərçivəsində görkəmli tarzən, Xalq artisti, Dövlət mükafatı laureatı, “Şöhrət” və “Şərəf” ordenli Ramiz Quliyevlə görüş keçiriləcək.

AZƏRTAC xəbər verir ki, görüşdə Gəncənin mədəniyyət, incəsənət xadimləri və gənclər iştirak edəcəklər.

Muğamların, təsniflərin, eləcə də xalq mahnılarının mahir ifaçısı ilə reallaşacaq görüş tar ifaçılığının keçdiyi dövr və milli musiqi dəyərlərinin qorunması ilə bağlıdır.