Musiqi mədəniyyətimizdə parlaq imza – Elmira Səfərova – 90

Azərbaycan Musiqi Mədəniyyəti Dövlət Muzeyində Üzeyr Hacıbəyli adına Bakı Musiqi Akademiyası ilə birgə görkəmli pianoçu, pedaqoq, Əməkdar incəsənət xadimi, professor Elmira Səfərovanın 90 illik yubileyinə həsr olunmuş tədbir keçirilib.

AZƏRTAC xəbər verir ki, bu barədə Azərbaycan Musiqi Mədəniyyəti Dövlət Muzeyindən məlumat verilib. Tədbirdə Elmira Səfərovanın həyat və yaradıcılıq yolundan bəhs edilib. Çıxış edənlər onun pedaqoji fəaliyyətindən, Azərbaycan mədəniyyətinə verdiyi töhfələrdən bəhs ediblər.

Tədbirin bədii hissəsində Azərbaycan və dünya klassiklərinin əsərlərindən ibarət konsert proqramı təqdim olunub.