Dövlət Turizm Agentliyinin 2024-cü ilin yanvar-iyun dövrünü əhatə edən onlayn xəbər bülleteni hazırlanıb.

Agentlikdən AZƏRTAC-a bildirilib ki, bülletendə Dövlət Turizm Agentliyinin müxtəlif istiqamətlər üzrə fəaliyyətini ehtiva edən məlumatlar əksini tapıb.

İctimaiyyəti məlumatlandırmaq məqsədilə ildə 2 dəfə olmaqla, 6 aydan bir bülleten dərc olunacaq və qurumun rəsmi veb-saytında “Xəbər bülleteni” bölməsinə yerləşdiriləcək.